1996 മുതല് 2026 വരെയുള്ള എല്ലാ സര്ക്കാരുകളും വനിതാ സംവരണം അവതരിപ്പിക്കുകയും ചര്ച്ച ചെയ്യുകയും മാറ്റിവയ്ക്കുകയും പരാജയപ്പെടുത്തുകയും ചെയ്തിട്ടുണ്ട്. എന്നാല്, 2023 മുതല് 2026 വരെയുള്ള സംഭവങ്ങള് ഇതില് നിന്നെല്ലാം വ്യത്യസ്തമാണ്. അംഗങ്ങളുടെ ആര്പ്പുവിളികളോടെ അത്യാവേശത്തോടെ പാസാക്കിയ ഒരു നിയമത്തെ തങ്ങളുടെ സൗകര്യത്തിനുസരിച്ച് അറിയിക്കുകയും പരാജയപ്പെടാന് വിധിക്കപ്പെട്ടവിവാദപരമായ മണ്ഡല പുനര്നിര്ണ്ണയ ബില്ലിലേക്ക് മനഃപൂര്വ്വം ചേര്ത്തുവെ്കകുകയും ചെയ്യുന്നതാണ് നമ്മള് കണ്ടത്. ഇന്ത്യയുടെ തിരഞ്ഞെടുപ്പ് ഭൂപടത്തില്തന്നെ ഏറ്റവും വലിയ വിഭജനം സൃഷ്ടിക്കുന്ന മണ്ഡല പുനര്നിര്ണയവുമായി വനിതാ സംവരണത്തെ കൂട്ടിക്കെട്ടിയതിലൂടെ, സര്ക്കാര് ഒരേസമയം രണ്ട് കാര്യങ്ങള് ഉറപ്പാക്കി – ബില് പാസാകില്ലെന്നും അത് ഇല്ലാതാക്കിയതിന് പ്രതിപക്ഷത്തെ കുറ്റപ്പെടുത്താമെന്നും. ആരോപണങ്ങള് ഉയരുകയും തെരഞ്ഞെടുപ്പുകളെ നേരിടുകയും ചെയ്തുകൊണ്ടിരിക്കുമ്പോള് നരേന്ദ്ര മോദി സര്ക്കാര് ഉത്തരം നല്കേണ്ട ചില ചോദ്യങ്ങളുണ്ട്.
1) 2023ല് എല്ലാ പാര്ട്ടികളുടെയും ഏകകണ്ഠമായ പിന്തുണയോടെ ഭരണഘടനയുടെ ആര്ട്ടിക്കിള് 334A ഭേദഗതി ചെയ്ത് വനിതാ സംവരണം ഒരു നിയമമാക്കിയ ശേഷം, മറ്റൊരു ഭരണഘടനാ ഭേദഗതിയുടെ ആവശ്യകത എന്തായിരുന്നു?
2) 2023ല് പ്രതിപക്ഷ പാര്ട്ടികള് ഏകകണ്ഠമായി ആവശ്യപ്പെട്ടതുപോലെ, നിലവിലുള്ള 543 സീറ്റുകളില് 33 ശതമാനം സംവരണം നടപ്പിലാക്കാത്തത് എന്തുകൊണ്ട്? 2026-ലെ സെന്സസ് അടിസ്ഥാനമാക്കിയുള്ള ഡീലിമിറ്റേഷനുശേഷം മാത്രം നടപ്പിലാക്കുന്നത് പോലുള്ള അനാവശ്യ വ്യവസ്ഥകള് ചേര്ത്തുകൊണ്ട് 2034 വരെ വനിതാ സംവരണം നടപ്പിലാക്കുന്നത് അസാധ്യമാക്കിയത് എന്തുകൊണ്ട്?
3) 2023ല് ലോക്സഭയിലും രാജ്യസഭയിലും പാസാക്കിയ ഈ നിയമം രാഷ്ട്രപതി അംഗീകരിച്ച് ഗസറ്റില് പ്രസിദ്ധീകരിച്ചെങ്കിലും 2026 ഏപ്രില് 16 വരെ വിജ്ഞാപനം ചെയ്തില്ലേ?
4) 2026ലെ ഭരണഘടനാ ഭേദഗതി ബില് കൊണ്ടുവരുന്നതിന്റെ ഉദ്ദേശ്യം വനിതാ സംവരണം വേഗത്തില് നടപ്പിലാക്കുക എന്നതാണെങ്കില്, 2011-ലെ സെന്സസ് അടിസ്ഥാനമാക്കിയുള്ള ഡീലിമിറ്റേഷന് പോലുള്ള കൃത്രിമ ഉപവ്യവസ്ഥകള് ഉള്പ്പെടുത്തിയത് എന്തുകൊണ്ടാണ്?
5) വളരെ വിവാദപരമായ ഡീലിമിറ്റേഷന് വ്യവസ്ഥകള് ചേര്ക്കുന്നത് പാര്ലമെന്റില് മൂന്നില് രണ്ട് ഭൂരിപക്ഷം നേടുന്നത് തടയുമെന്ന് അറിഞ്ഞിട്ടും, എന്തുകൊണ്ടാണ് ഈ പ്രക്രിയ ആരംഭിച്ചത്?
6) ഇപ്പോള് പോലും, നിലവിലുള്ള 543 സീറ്റുകളില് 33 ശതമാനം സംവരണം നല്കുന്നതിന് ഒരു പ്രത്യേക സമ്മേളനം വിളിച്ച് ലളിതമായ ഒരു ഭേദഗതി അവതരിപ്പിക്കാന് നിങ്ങളുടെ സര്ക്കാര് തയ്യാറാകാത്തത് എന്തുകൊണ്ട്?
7) 2023ല്, 2034 വരെ നടപ്പിലാക്കാന് കഴിയാത്ത ഒരു വനിതാ സംവരണ ബില് നിങ്ങള് അവതരിപ്പിച്ചു – തിരഞ്ഞെടുപ്പിന് ഒരു വര്ഷം മാത്രം മുമ്പ്.
ഇപ്പോള്, അഞ്ച് സംസ്ഥാനങ്ങളില് നടന്നുകൊണ്ടിരിക്കുന്ന തിരഞ്ഞെടുപ്പുകളില്, ബില് പരാജയപ്പെടുമെന്ന് വ്യക്തമായി അറിയാമായിരുന്നിട്ടും (പരിധി നിര്ണ്ണയ വ്യവസ്ഥകള് കാരണം), നിങ്ങള് മനഃപൂര്വ്വം അത് അവതരിപ്പിക്കുകയും പരാജയം ഉറപ്പാക്കുകയും ചെയ്തു. ഈ പരാജയത്തിന് പ്രതിപക്ഷ പാര്ട്ടികളെ കുറ്റപ്പെടുത്തുന്ന വ്യാജവും ഭിന്നിപ്പിക്കുന്നതുമായ ഒരു പ്രചാരണവും നിങ്ങള് ആരംഭിച്ചിട്ടുണ്ട്. പ്രതിപക്ഷത്തെ അപകീര്ത്തിപ്പെടുത്താന് വേണ്ടി മാത്രമാണോ ഈ ബില് അവതരിപ്പിച്ചത്? നിസ്സാരമായ തിരഞ്ഞെടുപ്പ് നേട്ടങ്ങള്ക്കായി നിങ്ങള് വനിതാ സംവരണത്തെ നിരന്തരം വഞ്ചിച്ചു എന്നല്ലേ ഇതിനര്ത്ഥം?
8) 1996 മുതല്, കോണ്ഗ്രസ് സര്ക്കാരുകള്, യുപിഎ സര്ക്കാരുകള്, നിങ്ങളുടെ സ്വന്തം വാജ്പേയി സര്ക്കാര്, പിന്നീട് വന്ന യുപിഎ സര്ക്കാര് എന്നിവരാല് വനിതാ സംവരണത്തിനുള്ള നിര്ദ്ദേശങ്ങള് പാര്ലമെന്റില് ആവര്ത്തിച്ച് അവതരിപ്പിക്കപ്പെട്ടു. അവ പാസാകാത്തതിന്റെ ഒരു പ്രധാന കാരണം വനിതാ സംവരണത്തിനുള്ളില് ഒബിസികള്ക്ക് സബ്-ക്വാട്ട ഇല്ലായിരുന്നു എന്ന എതിര്പ്പായിരുന്നു. മറ്റ് സര്ക്കാരുകളെപ്പോലെ ഒബിസി സബ്-ക്വാട്ട ഉപയോഗിച്ച് വനിതാ സംവരണം നടപ്പിലാക്കാന് വാജ്പേയി സര്ക്കാര് പോലും ശ്രമിക്കാത്തത് എന്തുകൊണ്ട്?
2026 ലെ നിങ്ങള് അവതരിപ്പിച്ച ബില്ലില് ഒബിസി സബ്-ക്വാട്ട ഉള്പ്പെടുത്താത്തത് എന്തുകൊണ്ട്?
9) 1996 മുതല് 2014 വരെയുള്ള ശ്രമങ്ങള് പരാജയപ്പെട്ടതിന്റെ ഒരു കാരണം സഖ്യ സര്ക്കാരുകളാണ്. എന്നാല് 2014 ലും 2019 ലും മോദി സര്ക്കാരിന് പൂര്ണ്ണ ഭൂരിപക്ഷം ഉണ്ടായിരുന്നു. ഉയര്ന്ന ജാതിക്കാര്ക്കുള്ള ഇഡബ്ല്യുഎസ് സംവരണത്തിന് നിങ്ങള് ചെയ്തതുപോലെ, അതിര്ത്തി നിര്ണ്ണയ വ്യവസ്ഥകളില്ലാതെ വനിതാ സംവരണം പാസാക്കാന് നിങ്ങള് അത് ഉപയോഗിക്കാത്തത് എന്തുകൊണ്ട്?
പകരം, 2023 ല്, 2034 വരെ ഇത് നടപ്പിലാക്കാന് കഴിയില്ലെന്ന് നിങ്ങള് ഉറപ്പാക്കി, 2026 ല്, നിങ്ങള് ദുരുദ്ദേശ്യപരമായ മണ്ഡല പുനര് നിര്ണ്ണയ വ്യവസ്ഥകള് ചേര്ത്ത് ബില്ലിന്റെ പരാജയം ഉറപ്പാക്കി. ഇത് മോദി സര്ക്കാരിനെ ഏറ്റവും സ്ത്രീവിരുദ്ധവും സ്ത്രീ സംവരണത്തെ എതിര്ക്കുന്നതുമാക്കി മാറ്റുന്നില്ലേ?
10) സ്ത്രീ ശാക്തീകരണത്തില് ബിജെപിക്ക് യഥാര്ത്ഥത്തില് പ്രതിബദ്ധതയുണ്ടെങ്കില്, ഒരു നിയമത്തിനായി കാത്തിരിക്കാതെ ലോക്സഭാ, നിയമസഭാ തിരഞ്ഞെടുപ്പുകളില് സ്ത്രീകള്ക്ക് 33 ശതമാനം സീറ്റുകള് സ്വയം നല്കാത്തത് എന്തുകൊണ്ട്? ടിഎംസി ഒഴികെ, മറ്റ് മിക്ക പാര്ട്ടികളെയും പോലെ ബിജെപി ഇപ്പോഴും സ്ത്രീകളുടെ സീറ്റുകള് ഏകദേശം 12-15 ശതമാനം ആയി പരിമിതപ്പെടുത്തുന്നത് എന്തുകൊണ്ട്?
11) ബില് പരാജയപ്പെട്ടതിനുശേഷം, പ്രധാനമന്ത്രി മോദി സര്ക്കാര് സംവിധാനങ്ങള് ദുരുപയോഗം ചെയ്തുവെന്നും, ഒരു ബിജെപി നേതാവിനെപ്പോലെ പ്രവര്ത്തിച്ചുകൊണ്ട്, പ്രതിപക്ഷ പാര്ട്ടികളെ സ്ത്രീവിരുദ്ധരായി മുദ്രകുത്തി വിദ്വേഷം നിറഞ്ഞ തിരഞ്ഞെടുപ്പ് പ്രസംഗങ്ങള് നടത്തിയെന്നും ആരോപിക്കപ്പെടുന്നു.
തിരഞ്ഞെടുപ്പ് കമ്മീഷനും സുപ്രീം കോടതിയും പോലുള്ള സ്ഥാപനങ്ങള് ഇതിനെതിരെ നടപടിയെടുക്കാത്തതിനാല്, പ്രതിപക്ഷ പാര്ട്ടികളെ സ്ത്രീവിരുദ്ധരായി മുദ്രകുത്താനും സ്ത്രീകളുടെ വോട്ട് നേടാനും വേണ്ടി മാത്രമാണ് ബില് അവതരിപ്പിച്ചതെന്ന് ഇത് തെളിയിക്കുന്നില്ലേ?
12) പാര്ലമെന്റില് പ്രധാനമന്ത്രി നടത്തിയ പ്രസംഗത്തില് സ്വയം സ്ത്രീകളുടെ സംരക്ഷകനാണെന്ന്വിശേഷിപ്പിച്ചു. എന്നാല്, കഴിഞ്ഞ 11 വര്ഷമായി, മണിപ്പൂര്, കഠുവ, ഉന്നാവോ, വനിതാ ഗുസ്തിതാരങ്ങള്ക്കെതിരായ ലൈഗീകാതിക്രമം , ബില്ക്കീസ് ബാനോ കേസിലെ കുറ്റവാളികളെ ബിജെപി നേതാക്കള് ആദരിക്കല് തുടങ്ങിയ കേസുകളില് – ബിജെപി എംപിമാരും നേതാക്കളും സ്ത്രീകള്ക്കെതിരായ കുറ്റകൃത്യങ്ങള് ആരോപിക്കപ്പെട്ടിട്ടും അദ്ദേഹം മൗനം പാലിച്ചത് എന്തുകൊണ്ടാണ്? അത്തരം കുറ്റവാളികളെ സംസാരിക്കുന്നതിന് പകരം സംരക്ഷിക്കുന്നത് എന്തുകൊണ്ട്?
13) വനിതാ സംവരണത്തിന്റെ പരാജയത്തെ മോദി സ്ത്രീ ഭ്രൂണഹത്യയുമായി താരതമ്യം ചെയ്തു.
സ്ത്രീ ഭ്രൂണഹത്യ പുരുഷന്മാരുമായി താരതമ്യപ്പെടുത്തുമ്പോള് സമൂഹത്തിലെ സ്ത്രീകളുടെ അനുപാതം കുറയ്ക്കുന്നു.
വാസ്തവത്തില്, എന്തുകൊണ്ടാണ് (ദീര്ഘകാലം ബിജെപി ഭരിച്ചിരുന്ന ഗുജറാത്ത്), (ശക്തമായ ബിജെപിയും സംഘ് സ്വാധീനവുമുള്ള) ഹരിയാന, ഉത്തര്പ്രദേശ് തുടങ്ങിയ സംസ്ഥാനങ്ങളില് രാജ്യത്ത് സ്ത്രീ-പുരുഷ അനുപാതം ഏറ്റവും കുറവായിരിക്കുന്നത്?
നേരെമറിച്ച്, ബിജെപി സ്വാധീനം താരതമ്യേന ദുര്ബലമായ കേരളം, തമിഴ്നാട്, കര്ണാടക, തെലങ്കാന, പശ്ചിമ ബംഗാള് തുടങ്ങിയ സംസ്ഥാനങ്ങളില് ഹിന്ദി ബെല്റ്റ് സംസ്ഥാനങ്ങളെ അപേക്ഷിച്ച് സ്ത്രീ ജനസംഖ്യാ അനുപാതം കൂടുതലായിരിക്കുന്നത് എന്തുകൊണ്ട്?
