2008 ലെ മാലേഗാവ് സ്ഫോടനക്കേസില് ഏറെക്കാലമായി കാത്തിരുന്ന വിധി പറഞ്ഞത് മുംബൈയിലെ പ്രത്യേക കോടതിയാണ്. ഹിന്ദുത്വ ക്യാമ്പിന് ആഘോഷവും ഇരകള്ക്ക് പ്രഹരവുമായി മാറിയ മാലേഗാവ് സ്ഫോടനക്കേസ് വിധിയില് ഏഴ് പ്രതികളെയും വെറുതെവിട്ടു. ഈ വിധി പലരും പ്രതീക്ഷിച്ചിരുന്നതാണ്. കഴിഞ്ഞ 17 വര്ഷത്തിനിടയില്, പ്രത്യേകിച്ച് 2014നു ശേഷം ഏജന്സികള് അന്വേഷണ വഴി തിരിച്ചു വിട്ടതിനാല് അവര്ക്ക് വിധി അതിശയകരമായിരുന്നില്ല. മോട്ടോര് സൈക്കിളില് എത്തിയ ഒരു സംഘമാണ് സ്ഫോടനം നടത്തിയത്. മുസ്ലിംകള് ഒത്തുകൂടിയ സമയത്താണ് ബോംബിനകത്തടങ്ങിയ ആര്.ഡി.എക്സ് പൊട്ടിത്തെറിച്ചത്. ആറ് പേര് കൊല്ലപ്പെടുകയും നൂറിലേറെ പേര്ക്ക് പരിക്കേല്ക്കുകയും ചെയ്തു. റമദാന് മാസത്തിലാണ് സ്ഫോടനമുണ്ടാകുന്നത്. ഭോപ്പാലില് നിന്നുള്ള മുന് ബി.ജെ.പി എം.പി പ്രജ്ഞാ സിങ് താക്കൂര്, സൈനിക ഓഫീസര് ലഫ്റ്റനന്റ് കേണല് പ്രസാദ് ശ്രീകാന്ത് പുരോഹിത്, റിട്ട. മേജര് രമേശ് ഉപാധ്യായ എന്നിവര് അറസ്റ്റിലായ ഏഴ് പ്രതികളില് ഉള്പ്പെടുന്നു.
ആദ്യം മാലേഗാവ് സ്ഫോടനക്കേസ് അന്വേഷണം മഹാരാഷ്ട്ര ഭീകരവിരുദ്ധ സ്ക്വാഡിന്റെ കീഴിലായിരുന്നു. പിന്നീട് 2011 ല് ദേശീയ അന്വേഷണ ഏജന്സി ഏറ്റെടുത്തു. കേസില് പ്രതികള്ക്ക് പങ്കുണ്ടെന്ന് കോടതി ശക്തമായി സംശയിച്ചെങ്കിലും പോസിക്യൂഷന് അത് തെളിയിക്കാനായില്ല. തുടര്ന്ന് എല്ലാ പ്രതികളയും കുറ്റവിമുക്തരാക്കി. ഹിന്ദുത്വ വലതു പക്ഷം വിധിയെ അഭിനന്ദിച്ചു. കാവി ഭീകരത സൃഷ്ടിച്ചത് കോണ്ഗ്രസാണെന്ന് അവര് ആരോപിച്ചു.
അന്വേഷണത്തിന്റെ സ്ഥിതിഗതികളെക്കുറിച്ച് ഒരു അഭിപ്രായം പറയുമ്പോള് മനസ്സില് സൂക്ഷിക്കേണ്ട ചില കാര്യങ്ങളുണ്ട്. കേസ് അന്വേഷിച്ച ഹേമന്ത് കര്ക്കരെ, മുന് എ.ബി.വി.പി പ്രവര്ത്തകയായ സാധ്വി പ്രജ്ഞാ സിങ് താക്കൂറിന്റെ മോട്ടോര് സൈക്കിള് കേന്ദ്രീകരിച്ച് നടത്തിയ അന്വേഷണമാണ് പ്രതികളിലേക്കും അറസ്റ്റിലേക്കും എത്തുന്നത്.
ഈ പ്രദേശത്തെ ആദ്യകാല സ്ഫോടനങ്ങളിലൊന്ന് 2006 ഏപ്രിലില് നന്ദേഡില് നടന്ന സ്ഫോടനമായിരുന്നു. രാജ്കൊണ്ടവാന് എന്നയാളുടെ വീട്ടില് ഒരു ബോംബ് പൊട്ടിത്തെറിച്ചു. വീട്ടില് ബോംബ് നിര്മിക്കുന്നതിനിടെയായിരുന്നു പൊട്ടിത്തെറി. മുന് രാഷ്ട്ര സേവാദള് പ്രസിഡണ്ട് ഡോ. സുരേഷ് ഖൈര്നാറിന്റെ നേതൃത്വത്തിലുള്ള സിറ്റിസണ്സ് ഇന്വെസ്സ്റ്റിഗേഷന് ടീം സംഭവം അന്വേഷിച്ചു. ഹിമാന്ഷു പാന്സെ (27), നരേഷ് രാജ്കൊണ്ടവാര് (26) എന്നീ രണ്ട് യുവാക്കള് സംഭവസ്ഥലത്ത് തന്നെ മരിച്ചു. യോഗേഷ് ദേശ്പാണ്ഡെ (24), മാരുതി വാഗ് (23), ഗുരുരാജ് തുപ്തേവാര് (25) എന്നീ മൂന്ന് പേര്ക്ക് ഗുരുതരമായി പരിക്കേറ്റു. വീടിന് മുകളില് ബജ്രംഗ് ദളിന്റെ പതാക പറക്കുന്നുണ്ടായിരുന്നു. സ്ഥലത്ത്, വ്യാജ താടിയും മീശയും പൈജാമ കുര്ത്തയും കാണപ്പെട്ടു.
പര്ഭാനി, പന്വേല്, ജല്ന എന്നിവിടങ്ങളിലും ഇതേ സമയത്ത് ചില സ്ഫോടനങ്ങള് നടന്നിട്ടുണ്ട്. 2008 ലെ മാലേഗാവ് സ്ഫോടനത്തില് കര്ക്കരെ സൂക്ഷ്മമായ അന്വേഷണം നടത്തി പ്രതികളെ അറസ്റ്റ് ചെയ്തുകൊണ്ടിരിക്കെ, ബി.ജെ.പിയുടെ സഖ്യകക്ഷിയായ ശിവസേന മേധാവി ബാല്താക്കറെ തന്റെ പത്രമായ സാമ്നയില്, ‘കര്ക്കറെയുടെ ഹിന്ദു വിരുദ്ധ പ്രവര്ത്തനത്തിന് ഞങ്ങള് അവന്റെ മേല് കാര്ക്കിച്ച് തുപ്പുന്നു’ എന്നെഴുതി. പ്രതികളെ പീഡിപ്പിക്കുന്നുവെന്ന് അന്നത്തെ പ്രതിപക്ഷ നേതാവായിരുന്ന ലാല് കൃഷ്ണ അദ്വാനിയും പ്രസ്താവന നടത്തി.
2008 ലെ മുംബൈ ഭീകരാക്രമണത്തില് ഹേമന്ത് കര്ക്കറെ കൊല്ലപ്പെട്ടു. തുടര്ന്ന് ഗുജറാത്ത് മുഖ്യമന്ത്രിയായിരുന്ന നരേന്ദ്ര മോദി മുംബൈയിലേക്ക് ഓടിയെത്തി, കര്ക്കറെയുടെ വിധവയ്ക്ക് ഒരു കോടി രൂപയുടെ ചെക്ക് നല്കി. അവര് അത് സ്വീകരിക്കാന് വിസമ്മതിച്ചു. പ്രജ്ഞാസിങ് താക്കൂറിനെയും കൂട്ടരെയും അറസ്റ്റ് ചെയ്തതുപോലെ, കര്ക്കറെ ദേശീയ താല്പ്പര്യങ്ങള്ക്ക് വിരുദ്ധമായ കാര്യങ്ങള് ചെയ്തുവെന്ന് വിമര്ശിച്ച മോദി, കര്ക്കറെ കൊല്ലപ്പെട്ടതിനുശേഷം രക്തസാക്ഷിയായി ചിത്രീകരിക്കാന് തുടങ്ങി. ഇത് അന്വേഷിക്കുന്നതിനിടയില്, വിവിധ ഹിന്ദുത്വ മേഖലകളില് നിന്ന് അത്തരം അഭിപ്രായങ്ങള് വന്നതിനാല്, അദ്ദേഹം തന്റെ സമപ്രായക്കാരനായ ജൂലിയോ റിബ്ബെയ്റോയെ സമീപിച്ചു. മിസ്റ്റര് റിബ്ബെയ്റോ അദ്ദേഹത്തിന്റെ സത്യസന്ധമായ പ്രവര്ത്തനത്തെ അഭിനന്ദിക്കുകയും പ്രഫഷനല് രീതിയില് തന്റെ പ്രവര്ത്തനം തുടരാന് ആവശ്യപ്പെടുകയും ചെയ്തു.
കര്ക്കറെയുടെ ദാരുണമായ മരണശേഷം ഒരു പത്രസമ്മേളനത്തിനിടെ താക്കൂര്, കര്ക്കറെയെ ‘ദേശവിരുദ്ധന്’ എന്നും ‘ധര്മവിരോധി’ എന്നും (മതവിരുദ്ധന്) വിശേഷിപ്പിച്ചു. ‘നിങ്ങള് വിശ്വസിക്കില്ല, പക്ഷേ ഞാന് പറഞ്ഞു, ‘തേരാ സര്വനാഷ് ഹോഗ’ – ‘നിങ്ങള് നശിപ്പിക്കപ്പെടും,’ അവര് പറഞ്ഞു. ‘സവാ മഹിന’ ഒന്നര മാസം കഴിഞ്ഞപ്പോള്, തീവ്രവാദികള് അദ്ദേഹത്തെ കൊന്നു.’
അജ്മീര്, മക്ക മസ്ജിദ്, സംഝോത എക്സ്പ്രസ് തുടങ്ങി മറ്റ് ഭീകരാക്രമണ കേസുകളില് സ്വാമി അസീമാനന്ദ അറസ്റ്റിലായി. അറസ്റ്റിനുശേഷം അദ്ദേഹം ഒരു മെട്രോപൊളിറ്റന് മജിസ്ട്രേറ്റിന് മുന്നില് തന്റെ കുറ്റകൃത്യങ്ങള് സമ്മതിച്ചു. ഡിസംബര് 18 ന് തീസ് ഹസാരി കോടതിയിലെ മെട്രോപൊളിറ്റന് മജിസ്ട്രേറ്റിന് മുന്നില് ക്രിമിനല് നടപടിക്രമ നിയമത്തിലെ സെക്ഷന് 164 പ്രകാരം സ്വമേധയാ ഉള്ള കുറ്റസമ്മതം രേഖപ്പെടുത്തി. കുമ്പസാരക്കാരന്റെറ മനസ്സില് ഒരു തരത്തിലുള്ള സമ്മര്ദ്ദമോ ഭീഷണിയോ പ്രവര്ത്തിക്കുന്നില്ലെന്ന് ഉറപ്പാക്കാന് 48 മണിക്കൂര് ജുഡീഷ്യല് കസ്റ്റഡിക്ക് ശേഷം സ്വാമിയുടെ മൊഴി രേഖപ്പെടുത്തി. ഈ പ്രസ്താവനയില്, മുസ്ലിം മതസ്ഥലങ്ങളില് ബോംബാക്രമണങ്ങളില് താനും മറ്റ് ഹിന്ദു ആക്ടിവിസ്റ്റുകളും ഉള്പ്പെട്ടിട്ടുണ്ടെന്ന് അദ്ദേഹം സമ്മതിച്ചു, കാരണം എല്ലാ ഇസ്ലാമിക ഭീകര പ്രവര്ത്തനങ്ങള്ക്കും ‘ബോംബിന് ബോംബ്’ എന്ന നയം ഉപയോഗിച്ച് അവര് മറുപടി നല്കണമെന്ന് അവര് ആഗ്രഹിച്ചു.
പിന്നീട് അദ്ദേഹം പ്രസ്താവന പിന്വലിച്ചു, ഇത് നിര്ബന്ധപൂര്വ്വം നല്കിയതാണെന്ന് പറഞ്ഞു. പൊലീസ് അധികാരികള്ക്ക് മുന്നില് നല്കിയ മൊഴികള് സമ്മര്ദ്ദത്തിലോ നിര്ബന്ധത്തിലോ ആകാം, പക്ഷേ ഒരു ജഡ്ജിയുടെ മുന്നില് അതങ്ങനെയല്ല. ഇക്കാര്യം അറിയുന്ന ഒരാള്ക്ക് ഇത് വളരെയധികം ആശ്ചര്യകരമായി തോന്നും. അദ്ദേഹത്തിന്റെ 48 മണിക്കൂര് ജുഡീഷ്യല് കസ്റ്റഡി ഉള്പ്പെട്ട വിഷയങ്ങളുടെ എല്ലാ വശങ്ങളും പരിഗണിക്കാന് പര്യാപ്തമായ സമയമായിരുന്നു. ഇത് തന്റെ സഹകാരികളെയും മാതൃ സംഘടനയെയും സംരക്ഷിക്കാനുള്ള ഒരു വഴിത്തിരിവായി. നിയമസഹായം സ്വീകരിച്ച ശേഷം സ്വാമി പ്രസ്താവന പിന്വലിച്ചു.
ഈ കുറ്റസമ്മതങ്ങള് കാരവന് മാഗസിനില് പ്രസിദ്ധീകരിച്ചത് ധാരാളം കോളിളക്കങ്ങള് സൃഷ്ടിച്ചു. ഉടന് തന്നെ സ്വാമി കാരവന്റെ റിപ്പോര്ട്ടര്ക്ക് നല്കിയ അഭിമുഖങ്ങളുടെ ഉള്ളടക്കം പിന്വലിച്ചു. റിപ്പോര്ട്ടറും മാഗസിന് എഡിറ്ററും അവരുടെ പതിപ്പില് ഉറച്ചുനില്ക്കുകയും അഭിമുഖത്തിന്റെ ഉള്ളടക്കങ്ങള് പ്രാമാണീകരിക്കുന്നതിനായി ഓഡിയോ ടേപ്പുകളുടെ ഭാഗങ്ങള് പുറത്തുവിടുകയും ചെയ്തു. ഈ കാരവന് കഥ സ്വാമി കോടതിയില് സമ്മതിച്ചതില് ഭൂരിഭാഗവും വീണ്ടും സ്ഥിരീകരിച്ചു. എന്നാല്, മറ്റ് മാനങ്ങള് കൂടി കാരവന് റിപ്പോര്ട്ട് ചൂണ്ടിക്കാണിക്കുന്നു (The Believer: Swami Aseemanand’s radical service to the Sangh, LEENA GITA REGHUNATH | 1 February 2014, Caravan Magazine, http://www.caravanmagazine.in/reportage/believer ).
മുംബൈയിലെ ട്രെയിന് സ്ഫോടനങ്ങളുമായി ബന്ധപ്പെട്ടതായിരുന്നു സമീപകാലത്തെ മറ്റൊരു പ്രധാന വിധി. ഇതില് മുസ്ലിം പ്രതികളെ കുറ്റക്കാരല്ലെന്ന് പ്രഖ്യാപിച്ച് വിട്ടയച്ചു. സര്ക്കാര് ഉടന് തന്നെ വിധിക്കെതിരെ അപ്പീല് നല്കി. നന്ദേഡ് വിധിന്യായ കേസില് വലതുപക്ഷ ക്യാമ്പില് വ്യാപകമായ ആഘോഷമുണ്ടായി, അതിനെതിരെ അപ്പീല് നല്കുന്നതിനെക്കുറിച്ച് സര്ക്കാര് ഒരു ചര്ച്ചയും നടത്തിയിട്ടില്ല. വിധിന്യായ തീയതിക്ക് തൊട്ടുമുമ്പ്, ഒരു ഹിന്ദുവിന് ഒരിക്കലും തീവ്രവാദിയാകാന് കഴിയില്ലെന്ന് ആഭ്യന്തരമന്ത്രി അമിത് ഷാ പ്രഖ്യാപിച്ചു, അതുവഴി തീവ്രവാദത്തെ മതവുമായി ബന്ധപ്പെടുത്തി. മഹാത്മാഗാന്ധിയുടെ ഘാതകന് ഗോഡ്സെയെയും രാജീവ് ഗാന്ധിയുടെ ഘാതകന് തനുവിനെയും ഹിന്ദു മതം സ്വീകരിച്ച നിരവധി തീവ്രവാദികളെയും അദ്ദേഹം മനഃപൂര്വ്വം മറന്നു. എന്നാല്, തീവ്രവാദത്തിന് ഒരു മതവുമായും ബന്ധമില്ല.
(ഡോ. രാം പുനിയാനി countercurrents.org ല് എഴുതിയ ലേഖനത്തിന്റെ സ്വതനന്ത്ര വിവര്ത്തനം)
